شـده و تـزول بقلم المبدع احمد فاروق

طعم المرار زي النار عند كل حزيـن

بيـدوق و ينهـار من زمن جبار و سنين

لما الدنيا تاخد قرار تسيبـه محتار و عيونه تايهيـن

و انا دايق و مش طايق و متحيـر

مش فايق ولا رايـق و حاسس اني متغيـر

و متدايق و الدقايق بتفوت سنه في وقت قصيـر !

انا شايف دنيا و ناس من غير مضمـون

انا تاعبني احساس اني من غير حضن حنـون

و كلام ملوش اساس بسمعه من ناس تفكيرهم مجنـون

انا واللي زيي وحيـد علي امرنا اتغلبنـا

لما همومنا بتزيـد و كلنا بنشـوف عذابنـا

و بنتعب اكيد مع كل حزن يـدق بابنـا

و ايه بس بيفيـد لما ع الفاضي يروح شبابنـا

بس الدنيا ملهـاش كبير

حتي اللي فيها عاش اميـر

و اللي كان ميحسبهـاش كده كتيـر

بنلـف نلـف و نرجـع لنفـس المكـان

و نتعب و نرجع نخـف و اهو الكل تعبـان

و اهي صفحه و كلنا بـنـشـف نفس الاحـزان

نتمني نفـرح لكن مش بـمزاجنـا

و لبعض نشرح ان الامل تاجنـا

لكن الزمن بيرجع يجرح و كأنه مش محتاجنـا

و نستحمل و نقاسي و نقول هاتبقي تمام

و نتجمـل في عز المقاسي و مفيش خطوه لـ قدام

و نكمل في عالم قاسي واخد مننا كل الاحـلام

و ادينا بنتكلم و نواسي و علي بعض نكدب بـ كـلام

و الحقيقه انه الدنيا يوم و يوم

بالطريقـه هانحـاول ننسي الهمـوم

و بـ بسمه بريئه ممكن يغيب الغيـوم

و يمكن يطلع نهـار و ادينـا بنحكي و الكل مخـزول

و جايز ناخد بـ التار من الحياه و نشكي و نعمل و نقـول

و بدال بقي ما ننهـار و نفضل نبكي خلينا نقـول شده و تـزول

بقلم المبدع : احمد فاروق
الرابط الاصلي
http://www.mkank.com/vb/showthread.php?t=30705

#شـده و تـزول بقلم المبدع احمد فاروق